منتدى شبح بغداد

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

منتدى شبح بغداد


    كـــوم ابـنـــــي الــعــــراقـــــــــــــ

    شاطر
    avatar
    °¢° NOoONA°¢°
    عضو مميز
    عضو مميز




    السرطان عدد المساهمات : 55
    السٌّمعَة : 0
    تاريخ التسجيل : 21/05/2010
    العمر : 27

    كـــوم ابـنـــــي الــعــــراقـــــــــــــ

    مُساهمة من طرف °¢° NOoONA°¢° في السبت يونيو 05, 2010 9:00 pm

    كـــوم ابـنـــــي الــعــــراقـــــــــــــ


    يكول ابني العراق
    اي ابني .. بس شلون
    شو كلما اصعد ساف يتهدم
    مو هذا البلــــــد
    منخور من الســاس
    هم جور وظلم وذيابه تتحكم
    يكول ابني العراق
    اي ... جم قرن ينراد
    اذا مال العراق بسرعة يتقسم
    واذا كل من يجينه وياه الف صندوك
    يلم اموال .. صابغهه الشعب بالدم
    مو حتى الظلم مو دوم .. هم ساعات
    بس عدنا الظلم .. ايطول ويتعمم
    ملينة الوعود وكافي تصريحات
    مو هذا الشعب للعظم يتألم
    شو وكت الحكم هذا الشعب متروك
    ولمن تنتخب .. يقرولك المأتم
    مو درب الجلب يا ساسة علكصاب
    لازم يتعظ هل جلب ... يتعلم
    وعدنا البرلماني .. يحج عشر مرات
    سفرات وصرف وكاضيها يم زمزم
    ولازم كل وزير نحلفه بالعباس
    اموال الشعب .. بيا مصرف مضمضم
    تمر سنين واموال النفط لي وين ؟؟!!
    بساعات الصفر .. الشعب ما يفهم
    اهنانه الفقير بعازه الالفيـــن
    هم ليل ونهار وهمه ما ينضم
    وانتو تفكرون شلون تختلسون
    صفقات وعقود ... العالم اليعلم
    مو كافي بعد .. وشوكت تتغيرون
    وبدرب العوج اليمشي ما يسلم
    كضينا العمر دم وحروب طوال
    ندافع عل لي يذبح بينه ويسمم
    وهسه انتم .. تكملون الجرح جرحين
    وعدتونا الجرح يندمل ... ويتعقم
    زيدتوا الجراح وجنكم تفتكون
    تاريخ المضه هل اسود المظلم
    هل المره الشعب ما يسكت على الضيم
    وسنون الشعب هلمره ماترحم
    علمكشوف هالمره اللعب يا ناس
    وما يجمل قبيح اليوم ... ويتطمطم
    وما ينسد حلك ولا ينعكد اللسان
    وكلمن بيه ضمير اليوم يتكلم
    صح نص الشعب متخدر ومتعوب
    بس نص الشعب امصحح ..أمعلم
    احسن شغله لو ماكو حكم فد نوب
    ونحركها الكراسي ونطرد اليحكم
    خلينا شعب ابلا .. قيادة نصير
    خل نحكم نفسنا ... وخلي بس نلتم
    لاحزب اليحبنا ولا تجمع فاد
    ولا كتلة وتحالف صارت تقدم
    كلمن جاي يحصل منصب اليغنيه
    وبراس الشعب ظل نايم ..منسم
    خل نخدع نفسنا .. ولو بس بالطيف
    وهواية علينه .. شوية لو نحلم ؟؟
    وين الله ونكوم الصبح .. متعجبين !!!
    لا بوك وذبح ولا حاكم اليعدم
    ولا يمشي رتــــــــــل ..
    ولا همر .. لاصبـــات ..
    ولا تفجير يخلي الجثة ..تتفحم
    ولا يبقى حديقة بوجه هاي الكاع
    ولا يفتر فقير .. ولايظل مجرم
    ولا مبدأ تحاصص يظل بالتعيين
    واموال النفط على الشعب يتقسم
    خلونه بحلم لو نصحه ما نلكيه
    لان هذا الحلم .. مكروه ومحرم
    مكتوب على شعبي يحصد الاهات
    ومقسوم على شعبي حتى ما يحلم
    بس لازم نغير ... مو نظل نيام
    ونخلي .. اليحبنا هو يتقدم
    ما يدعم اجندة ..ويشحن الاحقاد
    وما ابدا يفرق بينا ويشرذم
    اهم ما بالامر .. بس للعراق يكون
    يحكم بالعدل .. ميميز ويظلم
    ونكطع ايد كلمن .. سارق وظلام
    وكلمن يعتدي علشعب يتندم
    ونسد الحدود .. بسور من فولاذ
    لا يدخل عميل ... ولا ابن ملجم
    واتصالح يا شعبي وانسى كل الفات
    لو رايد تعيش بعزة وبمغنم
    ليش نصير فرجه .. وتشمت الغربان
    خل نسعف نفسنا وخلي نتحزم
    وخل نبني العراق بصدق وباخلاص
    واذا فعلا نحب البلد نتأقلم
    ايد بايد لو صرنا ابد منهاب
    ونصفي الاساس .. ويبدي يترمم
    وبماي المحبة .. نغسل الكلوب
    وخل نبني العراق بقوة الاكرم
    وخل نبني العراق بقوة الاكرم

      الوقت/التاريخ الآن هو الإثنين يونيو 18, 2018 3:35 am